canadian style مرحبا بالزوار الكرام مدونة ستايل كندا مدونة تهتم بكل مايخص الشأن الكندي والتي تهم المقيم والمهاجر واللاجيء على الأراضي الكندية ننقل لكم الخبر الصادق والهادفcanadian style ..نتمنى لكم تصفحا شيقا وأستفادة شاملة

هل يوجد نصب وأحتيال في كنــــــــــــــدا ؟؟؟؟



عشان متنضربش علي قفاك
بقلم ..محمد آدم 


تقريبا كل أسبوع بيجيلي أتصال أما من أحد الأصدقاء، المعارف أو العملاء مخضوض و خايف لأنه عمل حادثه ...المتصل في الغالب بيكون لمس العربيه الي أمامه لمسه بسيطه عشان كده محتار صاحب السيارة المخبوطه بيكون أخذ بياناته و حيروح التأمين ..السؤال غالبا بيكون اعمل ايه ؟و هل التأمين يرتفع ؟

في كندا لو خبطت عربيه من الخلف أنت أوتوماتيكلي غلطان و التأمين حيرتفع عليك بين ٣٠-٨٠ % عند التجديد بيختلف من شركه للتانيه ..لو خبطت pedestrian (المشاه ) أنت غلطان أوتوماتيك برضه حتي لو هو كان غلطان أو بيعدي الشارع و الاشارة حمراء ...القانون بيقول أن أي حد يتصاب في حادثه عربيه التأمين لازم يدفع مصاريف العلاج ..غير فلوس ألتعويضات الي ممكن يرفعها الي عربيته تتخبط عشان أي حاجه زي نفسيته الي تعبت ولا صباعه الي أنكسر…أي حاجه يطلع بيها مصلحه منك و من شركه التأمين ...اللمسه البسيطه دي حيطلع بيها بألوف الدولارات.
محامين ألتعويضات في كندا كل رزقهم علي القضايا الي من النوع ده ..و في كل ركن في كندا فيه محامي تعويضات .

*
كل ألي فوق ده معروف لكن المعلومه الي كتير من الناس ماتعرفهاش أن كندا فيها عصابات منظمه..مش عصابه ..عصابات و مافيا كل تخصصها أنها بتعمل حوادث و تاخد فلوس التعويضات ...شركات التأمين في كندا بتخسر كل سنة حوالي 1.6$ Billion dollar عشان أل Insurance Fraud ...طبعا بيزنس رهيب ولا تجاره السلاح .




أونتاريو فيها أكبر عدد من العصابات دي والخسارات الكتير جدا لشركات التأمين أدت أن التأمين في أونتاريو الاعلي في كندا …و للأسف النصب كله بالقانون .. العصابات دي ليها أساليب معينه ..بيختاروا ضحاياهم علي الطرق بعناية ...دي بعض أساليبهم و حيلهم..
العصابات دي غالبا بتختار الناس الي حتخليها تتسبب في الحادثه بعنايه ..مش أي حد ..حيختاروا عربيه جديده بس مش شرط .. ...حيشوفوا حد في الطريق مش مركز ..بيتكلم في تلفون أو بياكل أو بيشرب ..حتلاقيه مره وحده جاء أمامك و داس الفرامل مره واحده و الي وراه حيلبس فيه طبيعي ...المجرم ده حينزل يتوعد و يهدد المسكين الي بيكون بيرتجف من الخضه و ياخد بياناته و يعمل (قتيل )لشركه التأمين و النتيجه هو حيدفعله ألوف الدولارات و أنت تشيل الليله ...مثال الفيديوهات ألي تحت دي ..




٢. رئيس العصابة ممكن يتفق مع ٣ أو ٤ أشخاص أنهم يعملوا النصبايه دي و حيطلع لكل مشترك نسبه معينه من التعويضات ...كلهم بيركبوا عربيه واحده غالبا عربيه قديمه مهكعه و يعملوا حادثه بنفس الطريقه الي فوق دي و يستموتوا لشركات ألتأمين..ساعات كمان بيكونوا متفقين مع (بودي شوب )او ( ميكانيكي) أنه يدمر العربيه أكتر و يبعت أستيمشن أعلى لشركه التأمينو يقسم معهم ..السائق المسكين الي بيتنصب عليه و مش عارف كل ده حيشيل الليله .


٣. تكون ماشي و تلاقي الي اترمي قدام العربيه أو خلاك تخبطه و يطالبك بفلوس و شركه التأمين بتعويضات ...الفيديو ألي تحت ده مسخره أنا ما قدرتش أمسك نفسي من الضحك ..ناس حتعمل أي حاجه عشان السبوبة دي .

٤. أنت بتكون طالع من الباركينج بظهرك في مول مثلا و تلاقي عربيه بتشاورلك أنك تطلع و أنت تشكره و أنت بتطلع بضهرك تلاقيه دخل فيك و طبيعي أن أنت الغلطان لأنك المفروض proceed when safe دي قاعده عامه .

٥. عربيتين تبع العصابة بيختاروا عربيه داخله يمين ولا شمال واحد يبتسم لك و يشاور لك أنك تدخل و أنت تشاورله و تشكره و أنت جاي تدخل يتحرك و يجي يقف أمامك ...أنت بتفرمل عشان ما تخبطش فيه ..عربيتك بتكون في نص الشارع ..تيجي العربيه التانيه الي تبعهم و تدخل فيك من الجنب ..شغل شياطين و أنت طبعا مش حتكون مدرك أيه الي حصل و غالبا أنت الي حتلبس الليله ..الفيديو الي تحت ده حيشرح أكتر .


*
اعمل ايه ؟
١- جيب داش كام Dash Cam ..بجد أنقذت ناس كتير جدا من ادعاءات باطله و انقذتهم من عمليات نصب و افتراء البوليس ساعات ...ب ٥٠ دولار من أمازون ممكن تحمي نفسك من خسارات كتير جدا في المستقبل لو لا قدر الله وقعت في إيد عصابه زي دي . 






٢- أنا عارف أن الموقف لما تكون فيه غير لما تقرأه ...الحادثه و لو بسيطه بتنشف دم الواحد و الواحد بياخد وقت عقبال ما يستوعب أيه الي حصل ...لكن خليك علي قدر ما تستطيع هاديء ..صور كويس و خد أرقام الناس الي شاهده علي الموقف ما تخليش أل (هته ) بتاعت الي عملت معاه الحادثه تشلك .
٣-جمعت الداتا و الصور لما أل adjuster يكلمك قله بوضوح أنك حاسس أن الموضوع نصب و اديله الفيديوهات و الصور الي صورتها و حسسه أنك مش حتقبل بأي تسويه تضرك من غير تحقيق رسمي ...أل adjuster و الله أعلم ساعات بحس و يمكن أكون غلطان عايزين يقفلوا ال claim من غير وجع قلب و حتي لو لبسك أنت ...لكن حيفكر لما يلاقي الي قدامه فاهم .زيهم زي أي وظيفه فيهم الكويس و فيهم الجديد عديم الخبره و فيهم ألي بيحب يكبر دماغه ...أنت تابع بشكل مستمر نتائج تحقيقات أل adjuster ما تسيبش الموضوع في أيدهم و أنت تطنش .
٤- لو بجد أنت حاسس أن الموضوع فيه نصب بلغ الشرطه و بلغ أل- IBC- Insurance bureau of Canada 
1-877-IBC-TIPS (422-8477)
ممكن تملأ فورمه أونلاين من خلال الصفحه دي و تابع معاهم و بلغ أل adjuster أنك عملت الخطوه دي .


**أل insurance Fraud جريمة يعاقب عليها القانون ...ادعائك أنت كمان ان الموضوع نصب و أنت بتحاول تتخلص من مسئوليه ممكن تدخل نفسك في مشاكل كتير جدا ووارد جدا أن الموضوع كله Fire Back ...لو أنت غلطان تقبل النتيجه مهما كانت لكن لو حسيت أنك مظلوم و بيتنصب عليك ساعتها ما تسكتش و دي بتبان ..

0 التعليقات:

About Author:

مرحبا بكل زوار الموقع الكرام.. أعزائي وأخوتي موقع ستايل كندا هو موقع غير ربحي يهدف الى تعريف المواطن العربي بشكل عام والعراقي بشكل خاص بطبيعة الحياة والعمل والدراسة في كندا بحكم خبرتي في هذا المجال لأني في الأصل مواطن عراقي هاجر الى كندا وأستقر في أونتاريو خلاصة خبرتي هذه أضعها بين أيديكم لكل طامح في الهجرة نحو حياة الحرية وتحقيق الطموح ...الموقع يقدم خدمة الأستشارة والنصح لكل من يرغب بالقدوم الى كندا وبالذات مقاطعة اونتاريو - تورنتو للتواصل عبر الخاص عبر العناوين التالية basim.ibrahim@gmail.com


Let's Get Connected: Twitter | Facebook | Google Plus| linkedin

اشترك معنا في هنا كندا